Давлат тили мақоми ўзбек тили функционал ривожланишининг омилидир

Мамлакатимизда ўзбек тилига "давлат тили" мақомининг берилиши миллий идентликнинг тарихий, ижтимоий-сиёсий, маънавий-маърифий жиҳатдан янги сифат босқичига кўтарилиши ва она тилини юксак миллий қадрият сифатида англаш натижасидир. Давлат тили мақоми она тилимиз ривожланиши учун янги уфқларни очди, у илгари бажармаган ёки қисман бажарган янги ижтимоий функцияларни амалга ошира бошлади. Жамият ривожланиши, мамлакат мустақил тараққиёти келажаги тил билан ўзаро боғлиқлиги ушбу жараённи Ўзбекистонда ҳар томонлама илмий ўрганиш муҳимдир. Монографияда ўзбек тилига давлат тили мақоми берилгандан кейинги даврдаги муҳим ижтимоий-сиёсий ўзгаришлар, таълим, ижтимоий-иқтисодий, адабиёт, санъат соҳалардаги ижтимоий вазифалари, глобаллашув шароитида ўзбек тилини ривожлантириш масалаларини ижтимоий-фалсафий аспектларини ўрганилади. Монография тилшунос, файласуф олимлар, олий ўқув юрти профессор-ўқитувчиларга, мазкур соҳада бўйича изланишлар олиб бораётган мутахассислар, магистр ва бакалаврлар талабаларига мўлжалланган.